今個星期講曝光三角最後一樣 - 光圈
(想知道唔同光圈有咩分別可以直接跳去最後一張相睇)
光圈其實係咩嚟？
光圈既f/值其實係標示緊每枝鏡既最大光圈值，數字越接近0，入光量會越大，散景係同一焦距下亦會越淺。光圈係一個被放置於鏡尾既組件，用於直接限制通過鏡頭既光量。組成光圈嘅光圈葉片會因為鏡頭設計唔同而有不同數量。越多光圈葉既鏡可以造出越圓既光斑同埋更多腳既星芒，通常貴既鏡頭先會擁有越多嘅光圈葉片。
光圈既數字有幫助我哋去量化每枝鏡既入光量，理論上唔同嘅鏡頭係相機setting一樣嘅情況下，係可以影到一張一模一樣曝光程度嘅相。但呢個只係理想，下面我會再講深入啲。
光圈同ISO快門一樣，都係會用一級一級去表示，同樣每相差一級，入光量亦相差一倍。而入光(圓形)面積決定左入光量，所以你會見到每級光圈既相差就會等於2既平方根(Square Root)，即1.41倍。以下就係每級光圈既數值。
f/1, f/1.4, f/2, f/2.8, f/4, f/5.6, f/8, f/11, f/16
光圈值只有f/一種？
除左f/之外有一另一個計法係T光圈。簡單啲講f值係理想/理論值(theoretical)，T值係實際值(Practical)
所以你會發現同朋友既鏡頭點解明明用緊一樣光圈去影，但光暗好似總係有分別就係咁解，因為同一樣f/值既鏡，會因玻璃鏡組唔同而有唔同既透光率，而造成一樣f/值但唔同T值。
For the captioned photos, please refer to instagram post
