【旅行度假Vibe🏝️】Romantic Floral Ops

韓國出嘅碎花裙真係每次都比到好大嘅驚喜我

次次以為自己已經搵到最靚 都會比下一件更靚嘅打敗

但今次呢款係真正俘虜到全工作室女人嘅注意💜

無論係行咩風格嘅 都覺得佢成件真係好靚！

配色 / 布料 / 設計 都真係無可挑剔🥹

見過好多唔同嘅韓妹配搭呢條裙 真係做到好多唔同嘅風格！

歐美 韓風 甜美 溫柔 都可以用呢條裙配搭得到～

配色

碎花裙嚟講，最重要都係佢嘅顏色同碎花圖案配搭

揀得唔好真係出事率極高🤣

但放心！我哋揀得返嚟嘅碎花款

唔單止全工作室女人們都覺得靚

直頭過埋男店主男生嗰一關

(事關男人嘅直覺就係覺得碎花裙唔好睇xd)

今次呢一款整體顏色偏深藍配紫色 有種神秘嘅性感feel xd

但配搭起佢細緻嘅碎花 感覺反而加倍甜美

喺低調同高調之間有個平衡 唔會太過over的碎花款式

雙層布料

面層布料係印有碎花嘅透雪紡布

底層喺絲滑嘅尼龍黑色打底

做到若隱若現透視 但又唔會露底嘅效果！

面層的透布料 令碎花可以做到咁自然+飄逸

浮喺表面嘅感覺~仙氣不生硬 係變得咁溫柔嘅一大重點

底層嘅超級滑溜絲質增加咗裙嘅穿着舒適順滑程度

穿着時會特別有安全感呀!!

設計剪裁

特別鍾意佢領口位置嘅蕾絲+彈性魚骨細節

為呢件衫增添更獨特嘅少女感~♡

微寬鬆 但有收腰線條嘅剪裁

即使唔係貼身 都能夠穿出線條感覺

吊帶位係可以調校長度的 小個子高個子都友好！