【 韓國親身搜羅系列 | 初秋🍁 】炭灰柔順高質飄逸闊腳褲

貴！但超級超級超級的值得🥹

大家都好少見我入呢個價位嘅衫褲！

但喺韓國摸到佢之後真係有種被震撼到嘅質感

但睇一睇價錢之後真係有啲諗咗陣!!

但行多咗個圈都依然對佢念念不忘！倒返轉頭買返🤣

好彩佢着上身一啲都冇令到我失望 而係越著越中意😭

Crazy點解有一條褲 可以做到如此柔順 垂墜感Maxxxxx

完全收起肚腩仔 假跨寬 扁pat pat 一次過K.O.！

手感好柔滑 上身後會不斷忍唔住轉圈圈 左右喺度fing

剪裁係高腰+超級闊腳!!

越着就會越明白佢單價會需要比平日普通褲高

因為佢採用嘅布料都比普通嘅褲多好多 🤣 打造超級闊腳

加上佢嘅布料亦係與眾不同嘅高質選布

越着就會越覺得佢絕對值得😭

佢有好多細節位，令我覺得佢加倍嘅值得

版型俐落寬闊 腰間位置先做咗一個鈕扣固定基本版

額外再加上綁帶 除咗有點綴效果 細腰圍人士亦可調節收緊

背面做咗彈性橡筋腰位 寬闊嘅腰圍適合各身形穿着啊🥹

淡然嘅洗水灰色 增添一種慵懶低調感覺

穿上嘅時候更加更加更加地覺得有種隨性感覺

隨風擺動嘅movement係 M ! A ! X !