大大大大推薦！歐美洗色灰修身入肩連身裙

Mk d咁講 呢條裙係大大大大癲😺🔥
我會將佢排喺今個夏天產品之中 的Top 5🫡
質地高質 版型好 顏色靚 仲有啲咩可以挑剔?? 真係冇！

中意嘅程度係本身諗住將佢推出成為王牌產品 : 王牌Dress
但來回夾咗幾次顏色 都唔及佢原本嘅呢隻灰色靚
最後放棄要好多隻唔同嘅顏色 得一隻色又好似做唔到王牌
但佢嘅地位始終係王牌產品中佔有一席🥹

外觀上見到佢呢隻洗水灰已經係完全俾佢迷住！
佢係有質感嘅厚度深灰色布料 做咗好輕微嘅刷白
所以就咁望已經會覺得佢係有種層次感 唔係好實嘅顏色

布料偏實淨有彈性 因為顏色嘅層次 會有個錯覺好厚身
但係係好事嚟㗎 ！事實佢係屬於正常厚度✨
咁就可以做到望落厚實有質感 而事實上彈性透氣不箍緊

另外一着上身就愛上佢嘅重點 係佢嘅剪裁長度
恰到好處的偏短長度！完全唔需要就住拉上拉落
完全係一條版型好Firm嘅入肩連身裙
上身長度啱啱好遮到大髀最肥位 然後最高程度咁展露雙腿
超級顯腿長！超顯瘦！
入肩位都攞得超級好 做到遮副乳嘅同時唔顯肥
視覺係拉長到手臂 唔會顯得手臂粗的剪裁 best!!!!!